Keçende aqşam Novofedirivkada "Saki" Rusiye Federatsiyasınıñ arbiy aerodromı civarında ava mudafaası ve patlavlar kibi yüksek sesler eşitildi, dep yaza yerli telegram-kanallar.
Şu cümleden, "Krımskiy veter" yerli sakinlerge eatıf etip, bu rayonda eñ azdan dört patlav aqqında ve ava mudafaasınıñ işi aqqında yazdı. Rusiye nezaret kanalları o vaqıt Qırım yarımadasınıñ ğarbiy qısmına pilotsız uçaq ve "Neptun" raketalarınen ücüm ete bilecegini bildirgen edi.
Bundan ğayrı, Andreyevka civarında, deñiz tarafından patlavlar ve Aqyar civarından raketalarnıñ atılması aqqında haberler peyda oldı.
Rusiye akimiyeti ve arbiyleri vaziyetni şimdilik izaatlamadı. Qırım.Aqiqat vaziyetni ögrenmege tırışa. Ukrayina arbiyleri ücümniñ ihtimalı aqqında daa haber etmedi.
2022 senesi arman ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı "Ukrayina uçucısızlarına" qarşı ateş ve "ava mudafaa sistemasınıñ işi" dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün "esas telüke" dep adlandırdı.
