Rusiye mahkemesi Qırım.Aqiqat mühbiri Aleksina Doroganni eki ayğa apiske almağa qarar berdi. Oña 20 yılğa qadar apis cezası üküm etile bile.
Onıñ bildirgenine köre, arman ayınıñ 11-nde Rusiye akimiyeti tarafından cinaiy taqip etilgeni belli oldı. Hususan, o, Qırımda yaşağan dairesiniñ poçta qutusına onıñ ğıyabiy apiske alınmasına qarşı şikâyet arizası aqqında mektüpler kelgenini bildiridi. Bu malümatnı Rusiye mahkemesi tarafından tayinlengen advokat yolladı.
Aleksina Doroganniñ aytqanına köre, o, bu cinaiy taqip aqqında bir şey bilmey edi, onıñnen daa evel kimse bağlanmağan.
Devlet advokatınıñ şikâyet arizasından belli olğanı kibi, mahkeme qararı ile eki ayğa ğıyabiy apis cezası 2025 senesi ilk yaz ayınıñ 23-dne belgilendi. Apiske aluv qararı Aqmescitniñ Kiyev rayon mahkemesiniñ qadısı Andrey Nikolayeviç Dolgopolov tarafından çıqarıldı.
Mahkemeden evel tahqiqatnıñ keçirilgen ve jurnalistke qarşı qabaatlavnıñ maddesi qayd etilmedi, lâkin, o, "20 yılğa qadar apis cezasını közde tuta", dep qayd etile. Davanı FSB taqiqatçısı Andreyev N.A. alıp bara.
Mektüpte qayd etilgenine köre, şikâyet arizası 2025 senesi oraq ayınıñ 30-nda Moskvanıñ nezaretindeki Qırım Yuqarı mahkemesinde baqılacaq edi.
Jurnalist işğal etilgen Qırımnı 2014 senesi arman ayında ayında terk etti, bundan evel Rusiye akimiyeti qırımlılarğa mecburen berilgen Rusiye pasportından resmiy şekilde vazgeçken edi.
